On Duty

December 6, 2009

pasko na naman, at sa ikatlong pagkakataon wala ako sa bahay.

masarap na mahirap ang buhay sa abroad.. di natin maikakaila oo mas maluwag ang buhay, mas maginhawa.. pero syempre may kapalit yun.. tulad nalang sa mga panahong ganito.. sakripisyo uli, malayo ka sa mga mahal mo sa buhay..  isang napakahalagang okasyon na naman ang magdaraan na hindi mo sila kasama.

bukod sa pamilya, ang dami kong namimiss sa pilipinas pag christmas season

mga namimiss ko:

ang pag gising ng maaga para sa simbang gabi, ang puto bungbong, bibingka, libreng tsaa, ang hamog sa umaga, ang umuusok na hininga (hehe), ang traffic sa kalsada, ang dami ng tao sa mall, ang shopping, ang mga tugtog sa restaurant at national bookstore, ang commercial sa TV..

hays.. sarap ding isipin ang kabi kabilang christmas party at raffles sa kumpanyang pinapasukan.. ang babait ng mga tao, ang lamig ng paligid, ang sarap magsuot ng jacket.. ang pagkain sa jollibee.. ang pakikipag sisksikan sa palengke para sa murang pamasko at regalo.. ang masasayang forwarded jokes at quotes..,

ang holiday sa dec 23 minsan mas maaga pa, ang tenderjuicy hotdogs, ang spaggheti, ang christmas bonus ang pangangaroling, ang something funny, something cute, something sweet, ang exchange gifts.. ang hugs and kisses, ang regalo galing sa boss, ang promo ng smart at globe, ang sun cellular unlimited call, ang mga resibo, ang kampana ng simbahan.. ang parol, christmas lights, ang hamon, keso de bola, ang barbeque.. ang walang humpay na inuman, kwentuhan.. tawanan.

at ang katahimikan ng umaga isang araw matapos ang pasko.. ang tirang pan at sandwich spread, ang mga prutas sa ref, keso at iba pa..

lahat lahat ng nag papaalala ng pasko…

oops! emo haha,. hahays, nakakamis lang talaga.. mahirap ipagdiwang ang pasko sa bansang hindi ito kinikilala. pero sabi nga ang totoong diwa nito ay nasa puso.. at maaari nating makita at ibigay sa ating kapwa, patuloy tayong magpapasalamat sa KANYA, dahil minsan sa kasaysayan ng ating mundo, SIYA ay dumating at nakipamuhay sa atin..

kaisa po ng lahat ng mga naka duty sa araw ng pasko;  nurses, duktor, security guards, pulis, pari, sundalo, c-center agents, drivers, reporters at marami pang iba na nasa serbisyo publiko haha.. =)

Isang MALIGAYANG PASKO PO sa ating lahat!

Bon’s Hospital Schedule:  ON DUTY (awwts!)
Date: DEC 22,23,24 / 28,29,30,31
Time: 7pm-7am – (Phil Time 12am-12pm)
Pag online po kayo matapos ang inyong noche buena isang hi and hello lang masaya napo!
YM ID: bontalampas